سعودی عرب کی جانب سے یونان اور بوسنیا کے لیے 25،25 ٹن کھجوروں کا تحفہ

سعودی امدادی ایجنسی شاہ سلمان مرکز نے مملکت کی طرف سے یونان اور بوسنیا ہرزیگوینا کو25,25 ٹن کھجوروں کا تحفہ دیا ہے۔

ایس پی اے کے مطابق یہ تحفہ یونان اور بوسنیا میں سعودی سفیروں نے شاہ سلمان مرکز کی ٹیم کی موجودگی میں حکام کے حوالے کیا۔

کھجوروں کا یہ تحفہ سعودی عرب کی طرف سے شاہ سلمان مرکز کے ذریعے مختلف شعبوں میں برادر اور دوست ملکوں کی مدد کے حوالے سے انسانی کوششوں کا حصہ ہے۔

یاد رہے کہ  سعودی عرب 2002 سے کھجوروں کے تحفے کا پروگرام چلا رہا ہے۔ اس کے تحت سالانہ چار ہزار ٹن کھجوریں تقسیم کی جا رہی ہیں۔

کھجوروں کے تحفے کا پروگرام مملکت کے نخلستانوں کی کامیابی، برادر اور دوست ممالک کے ساتھ محبت کی علامت ہے۔