چیمپیئنزلیگ فٹبال :بارسلونا نے اسپورٹنگ لسبن کو ہرادیا

بارسلونا :چیمپیئنز لیگ فٹبال میں بارسلونا نے اسپورٹنگ لسبن کو 0-1 سے ہرادیا جبکہ انگلش کلب چیلسی اور مانچسٹر یونائیٹڈ نے بھی اپنے اپنے میچز جیت لئے۔چیمپیئنز لیگ گروپ ڈی میں اسپینش کلب بارسلونا نے اسپورٹنگ لسبن کو 0-1سے ہراکر گروپ میں ٹاپ پوزیشن حاصل کرلی۔میچ کا واحد گول کوٹزنے اسکور کیا۔گروپ اے میں انگلش کلب مانچسٹر یونائیٹڈ نے سی ایس کے اے ماسکو کو ایک کے مقابلے میں 4 گول سے شکست ۔ مانچسٹر کی جانب سے رومیلولوکاکو نے 2گول کئے۔ مارشل اور مختیاران نے ایک ،ایک گول کیا۔گروپ سی میں چیلسی نے ایٹلیٹیکو میڈرڈ کو 1-2 سے زیر کیا،گریزمین نے 40 ویں منٹ میں گول کرکے ایٹلیٹکو کو برتری دلائی جسے 59 ویں منٹ میں موراٹا نے برابر کردیا۔انجری ٹائم میں بٹس ہوایے نے گول کرکے چیلسی کو فاتح بنادیا۔گروپ بی میں پیرس سیٹ جرمین نے جرمن کلب بائرن میونخ کو0-3 سے شکست دی ۔