بیت المقدس فلسطین کا ازلی دار الحکومت ہے، محمود عباس
بیت المقدس:فلسطین کے صدر محمود عباس نے صدر ڈونلڈ ٹرمپ کی جانب سے امریکی سفارتخانے کو تل ابیب سے مقبوضہ بیت المقدس منتقل کرنے کے اعلان کو قیام امن کی کوششوں پر کاری ضرب قرار دیتے ہوئے اسے بین الاقوامی امنگوں کی خلاف ورزی سے تعبیر کیا ہے۔انہوں نے کہا ہے کہ بیت المقدس فلسطین کا ازلی دار الحکومت رہا ہے اور رہے گا۔
ان کا کہنا تھا کہ القدس عظیم اور قدیم فلسطینی ریاست کا درالحکومت ہے جس کی شناخت ایسے فیصلوں سے تبدیل نہیں کی جا سکتی۔فلسطینی صدر کا مزید کہنا تھا کہ ڈونلڈ ٹرمپ کا سفارتخانے کی منتقلی سے متعلق اعلان دراصل امریکہ کا امن عمل کی نگرانی سے دست کشی کا اعلان ہے۔ فلسطینی قیادت دوست سے مشورے کر رہی ہے ۔
بیت المقدس سے متعلق تمام خبریں ایک صفحے پر پڑھنے کے لئے کلک کریں
