کینیڈا میں 12ہزار سعودیوں کی منتقلی کے لئے ہنگامی اقدامات

ریاض: کینیڈا میں 12سعودیوں کی منتقلی کے لئے ہنگامی اقدامات کئے جارہے ہیں۔یہ بات وزارت تعلیم کے سیکریٹری برائے اسکالر شپ ڈاکٹر جاسر سلیمان الحربش نے کہی ۔ انہوں نے کہا کہ کینیڈا میں اسکالر شپ حاصل کرنے والے طلبہ اور اہل خانہ کی تعداد12ہزار ہے جنہیں دوسرے ممالک منتقل کرنے کے لئے ہنگامی اقدامات کئے جارہے ہیں۔ الاخباریہ نیوز چینل سے گفتگو کرتے ہوئے انہوں نے کہا کہ کینیڈا میں اسکالر شپ حاصل کرنے والے طلبہ کی تعداد7ہزار ہے جبکہ ان کے ہمراہ اہل خانہ اور دیگر افراد کی تعداد5ہزار ہے۔ طلبہ کی تعلیم متاثر کئے بغیر انہیں امریکہ اور برطانیہ کے تعلیمی اداروں میں منتقل کیا جائے گا۔