کراچی ۔۔۔سابق صدر آصف علی زر داری ضمانت کی منظوری کے بعد صحافیوں کے سوالات کے جواب دیتے ہوئے طنزاًکہا کہ آپ کچھ دیر رکیں میں ہیلی کاپٹر میں واپس آتا ہوں ۔جمعہ کو بینکنگ کورٹ آمد کے موقع پر صحافی نے ان سے سوال کیا کہ آپ ہیلی کاپٹر میں نہیں آئے جس پر انہوں نے کہا کہ آپ کچھ دیر رکیں میں ہیلی کاپٹر میں واپس آتا ہوں۔صحافی نے سوال کیا کہ صدر پاکستان کون بنے گا جس پر انہوں نے کہا کہ اعتراز احسن صدر پاکستان بنیں گے۔ ان سے ایک اور سوال کیا گیا کہ آپ کو یقین ہے کہ اعتراز احسن صدر پاکستان بنیں گے جس پر آصف زرداری نے کہا کہ ہماری کوشش ہے کہ اعتزاز احسن صدر بنیں۔صحافی کے سوال پر کہ زرداری صاحب کافی عرصہ بعد کورٹ میں ملاقات ہورہی ہے، جس پر آصف زرداری نے کہا کہ آپ بلائیں تو میں روز آجایا کروں گا۔
