خواجہ سعد اور خواجہ سلمان نیب میں پیش
لاہور: مسلم لیگ ن کے رہنما اور سابق وزیر ریلوے خواجہ سعد رفیق اور ان کے بھائی کو پیراگون سوسائٹی کیس آج احتساب عدالت میں پیش کردیا گیا۔ واضح رہے کہ گزشتہ روز نیب نے ضمانت قبل از گرفتاری میں توسیع کی درخواست مسترد ہونے پر خواجہ سعد رفیق اور ان ےک بھائی سلمان رفیق کو گرفتار کیا تھا۔ عدالت میں پیشی کے موقع پر نیب تحقیقات کے لیے ریمانڈ کی درخواست کرے گی۔ اس موقع پر عدالت کے باہر پولیس کی بھاری نفری تعینات کی گئی ہے اور سیکورٹی کے لیے عدالت کی جانب آنے والے راستوں کو بند کردیا گیا تھا۔ شہریوں کے مطابق عدالت سے ملحقہ دکانیں، اسکول اور بینک بھی اس موقع پر بند کرا دیئے گئے ہیں۔ احتساب عدالت کے باہرلیگی کارکنوں کی بڑی تعداد جمع ہے جن کی جانب سے خواجہ برادران کے حق میں نعرے بازی کی جارہی ہے۔ کمرہ عدالت کے باہر وکلا اور پولیس اہلکاروں میں جھڑپ بھی دیکھنے میں آئی جس کے بعد پولیس نے وکلا کو کمرہ عدالت میں داخلے سے روک دیا۔
