اشیا ئے صرف کے نرخوں کی نگرانی کے لیے نیا نظام کیا؟

وزارت تجارت نے مملکت بھر میں اشیائے صرف اور مصنوعات کے نرخوں کی نگرانی کے لیے تعینات کردیئے۔
وزارت تجارت و سرمایہ کاری نے اشیائے صرف اور اہم مصنوعات کے نرخوں کی نگرانی کے لیے نیا موثر نظام قائم کیا ہے۔
 اس کی بدولت صارفین مملکت بھر میں اشیائے صرف اور اہم مصنوعات کے نرخ آن لائن دریافت کرسکیں گے۔
عاجل ویب سائٹ کے مطابق وزارت تجارت نے مملکت بھر میں اشیائے صرف اور مصنوعات کے نرخوں کا پتہ لگانے کے لیے فیلڈ انسپکٹرز تعینات کیے ہیں۔

وزارت تجارت نے ٹو ئٹر پر وڈیو کلپ جاری کی ہے جس میں مملکت بھر میں اشیا کے نرخوں کی آن لائن رپورٹ دی گئی ہے۔
وڈیوکلپ میں بتایا گیا ’ وزارت کے انسپکٹرز نے ملک کے مختلف علاقوں میں اشیا کے نرخ کس طرح دریافت کیے اور کہاں کہاں کن چیزو ںکے کیا نرخ ہیں‘۔
’ ہر فیلڈ انسپکٹر کو آن لائن سروے سسٹم سے آراستہ کیا گیا ہے۔ کسی بھی دکان کے تجارتی ریکارڈ سے لمحوں میں اس دکان یا تجارتی مرکز کی تمام اشیا کے نرخ سامنے آجاتے ہیں۔ فیلڈ انسپکٹر تمام اشیا اور ان کے نرخوں کی ایک فہرست تیار کرکے فوری طور پر وزارت کو بھیج دیتا ہے‘۔