دنیا بھر میں کورونا وائرس کی عالمی وبا تباہ کاریاں پھیلا رہی ہے۔ کئی ممالک میں بہتری نظر آ رہی ہے جبکہ کچھ ممالک وائرس کا گڑھ بنے ہوئے ہیں۔
امریکی یونیورسٹی جان ہاپکنز کے مطابق دنیا میں کورونا متاثرین کی تعداد ایک کروڑ 47 لاکھ سے بڑھ گئی اور مرنے والوں کی تعداد چھ لاکھ 10 ہزار سے زائد ہے۔
امریکی صدر ڈونلڈ ٹرمپ نے آخر کار ماسک پہننے کی حمایت کر دی ہے۔ انہوں نے ایک ٹویٹ میں دوبارہ اپنی تصویر شائع کی ہے جس میں انہوں نے ماسک پہنا ہوا ہے۔
مزید پڑھیں
-
ٹرمپ ماسک پہننے کی پابندی کے مخالفNode ID: 493471
-
کورونا کی دو ویکسینز کے کامیاب تجرباتNode ID: 493551
-
معیشت کی بحالی، یورپی رہنما 858 ارب ڈالر کے پیکج پر متفقNode ID: 493691
ٹویٹ میں ان کا لکھنا تھا کہ ’بہت سارے لوگوں کا خیال ہے کہ اگر وہ معاشرتی طور پر فاصلہ نہیں رکھ سکتے تو ایک محبِ وطن کے طور پر ماسک پہننا فرض ہے۔ مجھ سے زیادہ محب وطن کوئی نہیں ، آپ کا پسندیدہ صدر۔‘
امریکہ میں وبا سے متاثر ہونے والے افراد کی تعداد 38 لاکھ 30 ہزار سے زائد ہے جبکہ ہلاکتوں کی تعداد ایک لاکھ 40 ہزار سے زیادہ ہے۔
We are United in our effort to defeat the Invisible China Virus, and many people say that it is Patriotic to wear a face mask when you can’t socially distance. There is nobody more Patriotic than me, your favorite President! pic.twitter.com/iQOd1whktN
— Donald J. Trump (@realDonaldTrump) July 20, 2020
برازیل وبا سے امریکہ کے بعد سب سے زیادہ متاثر ہونے والا ملک جہاں صورتحال یہ ہے کہ ہزاروں ہلاکتوں کی وجہ سے قبرستان بھر گئے ہیں اور جگہ کم پڑ جانے سے قبرستانوں کو توسیع دی جا رہی اور ہزاروں نئی قبریں کھودی جا رہی ہیں۔
برازیل میں متاثرین کی تعداد 21 لاکھ سے زائد ہے اور ہلاکتیں 80 ہزار سے بڑھ گئی ہیں۔
اے ایف پی کی اس ویڈیو میں برازیل میں قبرستانوں کی حالت دیکھی جا سکتی ہے۔
VIDEO: New graves dug at Brazil cemetery.
The Vila Formosa cemetery is one of the largest in Sao Paulo and many fresh graves are being dug as the #coronavirus continues to wreck havoc in Brazil with the death toll now surpassing 80,000 pic.twitter.com/IiHw22gtGb
— AFP news agency (@AFP) July 21, 2020
منگل کو سات ہفتوں میں پہلی بار نئی دہلی میں ایک ہزار سے کم کورونا کیسز یکارڈ کیے گئے، جبکہ انڈیا نے مزید ریاستوں نے بھی وبا کے پھیلاؤ کو روکنے کے لیے پابندیاں عائد کیں۔
گذشتہ ہفتے انڈیا کورونا وائرس کے 10 لاکھ کیسز تک پہنچنے والا امریکہ اور برازیل کے بعد تیسرا ملک بن گیا تھا۔
تاہم کئی ماہرین کا کہنا تھا کہ انڈیا میں ٹیسٹنگ کی شرح کم ہے، جس کی وجہ سے اصل تعداد زیادہ ہوسکتی ہے۔
انڈٰیا میں 28 ہزار سے زائد افراد ہلاک ہو چکے ہیں۔ ملک میں مہاراشٹرا، جو کہ ممبئی شہر اور کچی آبادیوں کا گھر ہے، میں سب سے زیادہ کیسز ہیں۔ اس کے بعد فہرست میں دہلی اور تامل ناڈو ہیں۔
روس میں سات لاکھ 82 ہزار سے زائد افراد وبا سے متاثر ہو چکے ہیں۔ روس میں ساڑھے 12 ہزار سے زائد اموات ہوئی ہیں۔
جنوبی افریقہ کی کابینہ کے دو وزرا کو کورونا وائرس کے باعث ہسپتال میں داخل کیا گیا ہے۔
