لبنان میں کورونا وائرس کے 4774 نئے کیسز

لبنانی صحت حکام نے بیان جاری کرکے کہا ہے کہ جمعرات کو ملک میں کورونا وائرس کے 4774 نئے مصدقہ کیسز ریکارڈ پر آئے  ہیں-

آر ٹی کے مطابق لبنانی وزارت صحت نے بتایا کہ گزشتہ روز وائرس سے 16 اموات ہوئیں جس سے مرنے والوں کی کل تعداد  1553 ہوگئی- متاثرین کی مجموعی تعداد 204699 ہوچکی ہے-

لبنان نے بدھ کے روزبیان جاری کرکے بتایا تھا کہ کورونا وائرس کے 4166 نئے کیسز ہوئے ہیں- اس سے ایک دن قبل بھی تقریبا اتنی ہی تعداد ریکارڈ پر آئی تھی-

دریں اثنا مصری وزارت صحت نے کہا ہے کہ ملک میں روسی ویکسین ’سپوٹنک وی‘ کے کلینکل ٹرائلز جلد شروع کیے جائیں گے-

معاون وزیر صحت محمد حسانی نے اخبار الیوم سے گفتگو میں کہا کہ میڈیکل کمیٹی نے وزیراعظم مصطفی متبولی کو ویکسینزسے متعلق مصری ترجیحات کے بارے میں رپورٹ پیش کردی- کمیٹی کے ارکان نے چائنا کی ویکسین سینوواک اور سینو فام کی  منظوری دی ہے- علاوہ ازیں آکسفورڈ ویکسین سٹرازنکا کی بھی تعریف کی ہے-

خود کو اپ ڈیٹ رکھیں، واٹس ایپ گروپ جوائن کریں