موبائل پر دوسری خاتون سے بات، شوہر سے خلع لینے کا مقدمہ دائر

شوہر کے موبائل پر دوسری خاتون کے پیغامات دیکھنے کے بعد ایک 30 سالہ سعودی خاتون نے خلع اور معاوضہ ادا کرنے کا مقدمہ دائر کیا ہے۔

اخبار 24 کے مطابق خاتون کو شوہر کا موبائل دیکھنے پر معلوم ہوا کہ وہ کسی دوسری خاتون سے بات کرتا ہے۔

خاتون کا کہنا ہے کہ ان کو شوہر پر پہلے سے شک تھا، انہوں نے شوہر کی نگرانی کی اور موبائل کا پاس ورڈ معلوم کر لیا۔

’جب موبائل کھول کر دیکھا تو وہ تمام میسجز دیکھ لیے جن سے یقین ہو گیا کہ وہ کسی دوسری خاتون سے تعلق رکھتا ہے۔‘

انہوں نے کہا کہ جب شوہر سے بات کی تو انہوں نے اقرار کیا اور کہا کہ وہ دوسری شادی کا ارادہ رکھتا ہے۔

خاتون کا کہنا ہے کہ ’شوہر کی بے وفائی سے وہ نفسیاتی طور پر بہت متاثر ہوئی ہے اس لیے عدالت میں معاوضہ ادا کرنے کے علاوہ طلاق کا مطالبہ کر دیا ہے۔‘