نجران شاہراہ پر ٹریفک حادثہ، چار افراد ہلاک، چار زخمی

نجران ریجن میں ایک ٹریفک حادثے میں چار افراد ہلاک جبکہ چار زخمی ہو گئے۔ حادثہ کے فوری بعد دونوں گاڑیوں میں آگ بھڑک اٹھی تھی جس کی وجہ سے زخمیوں کو فوری طور پر گاڑیوں سے نہ نکالا جا سکا۔

ویب نیوز اخبار 24 نے مقامی روزنامے ’الوطن‘ کے حوالے سے کہا ہے کہ نجران ریجن کی شاہراہ ’حبونا، المنتشر‘ پر دو پک اپ گاڑیاں المناک حادثے کا شکار ہو گئیں جن میں آٹھ افراد سوار تھے۔

ریجنل ترجمان ہلال الاحمر کا کہنا تھا کہ حادثے کی اطلاع ملتے ہی جائے حادثہ پر ہلال الاحمرکی ٹیمیں پہپنچی تاکہ امدادی کارروائی کی جاسکے۔

ترجمان کا مزید کہنا تھا کہ حادثہ کے بعد گاڑیوں میں لگنے والی آگ کی وجہ سے حادثے کا شکار ہونے والے چارافراد ہلاک ہوگئے جبکہ دیگر چار کو زخمی حالت میں گاڑیوں سے نکالنے میں کامیاب ہوگئے۔

حادثے میں زخمی ہونے والوں کی حالت کافی نازک بتائی جاتی ہے۔ حادثے کے فوری بعد امدادی ٹیم کے پہنچنے سے قبل وہاں موجود لوگوں نے بھی فوری طورپر امدادی کارروائیاں کرتے ہوئے پانچ افراد کواپنی گاڑیوں میں ہستال منتقل کیا۔