ایک ہفتے کے دوران کورونا ایس او پیز کی 18 ہزار سے زیادہ خلاف ورزیاں

سعودی عرب میں وزارت داخلہ نے کہا ہے کہ گزشتہ ایک ہفتے کے دوران مملکت بھر میں کورونا ایس او پیز کی 18 ہزار 400 خلاف ورزیاں ریکارڈ پر آئی ہیں۔

الاخباریہ کے مطابق ریاض ریجن ایس او پیز کی خلاف ورزیوں میں سرفہرست رہا جہاں 6 ہزار خلاف ورزیاں ہوئی ہیں۔

الشرقیہ ریجن میں دو ہزار 700، مکہ مکرمہ ریجن میں دو ہزار 300 اور مدینہ منورہ میں ایک ہزار 500 خلاف ورزیاں کی گئی ہیں۔

 القصیم ریجن میں ایک ہزار 200 ، حدود شمالیہ ریجن میں 850، تبوک ریجن میں 845، حائل ریجن میں 804، باحہ ریجن میں 383، نجران ریجن میں 193، عسیر ریجن میں 178 اور جازان ریجن میں میں 68 خلاف ورزیاں ریکارڈ پر آئی ہیں۔

وزارت داخلہ نے مقامی شہریوں اور مقیم غیرملکیوں کو پھر ہدایت کی کہ وہ وبا سے بچاؤ کے لیے مقرر تدابیر کی پابندی جاری رکھیں اور اس حوال سے متعلقہ اداروں کے ایس او پیز پر عمل کرتے رہیں۔