مکہ میں شراب کی بھٹی پر چھاپہ، ایتھوپیئن شہری گرفتار

مکہ پولیس اور میونسپلٹی نے شراب کی بھٹی پر چھاپہ مار کر وہاں موجود ایتھوپیا سے تعلق رکھنے والے تارکین کو گرفتار کیا ہے۔

سبق ویب سائٹ کے مطابق شراب کی بھٹی الراشدیہ محلے میں واقع ایک گیسٹ ہاؤس میں قائم کی گئی تھی۔

میونسپلٹی کی جانب سے کہا گیا ہے کہ ’بھٹی میں موجود 3470 لیٹر شراب ضائع کی گئی ہے جسے فروخت کرنے کے لیے تیار کیا گیا تھا۔‘

حکام کے مطابق ’ٹھکانے پر 28 ڈرم بھی پکڑے گئے جن میں شراب تیار کی جاتی تھی۔ علاوہ ازیں 10 گیس سیلنڈر 96 شراب کی بوتلیں اور دیگر اشیا بھی پکڑی گئی ہیں۔‘