امارات میں کورونا کے نئے کیسز کی تعداد 200 سے کم

متحدہ عرب امارات میں کورونا کے نئے کیسز کی تعداد مسلسل کم ہورہی ہے۔ جمعہ 8 اکتوبر کو پچھلے چوبیس گھنٹے میں کورونا کے 136 نئے مریضوں کی تصدیق ہوئی ہے۔

امارات کی سرکاری خبر رساں ایجنسی وام نے  وزارت صحت کے حوالے سے بتایا کہ ملک میں پچھلے چوبیس گھنٹے کے دوران جدید تشخیصی آلات کی مدد سے کورونا کے مزید 2 لاکھ 85 ہزار 453 ٹیسٹ کیے گئے۔

متحدہ عرب امارات میں متاثرین کی تعداد بڑھ کر 7 لاکھ 37 ہزار 509 ہوگئی ہے۔

وزارت نے بتایا کہ  پچھلے چوبیس گھنٹے کے دوران کورونا زیرعلاج مریضوں میں سے مزید 2 مریض چل بسے، مرنے والوں کی تعداد دو ہزار 111 ہوگئی ہے۔

بیان میں کہا گیا کہ’ امارات میں کورونا کے فعال کیسز کی تعداد چار ہزار 664 رہ گئی ہے‘۔

 متاثرہ مریضوں میں سے مزید 204 مکمل صحتیاب ہوگئے، صحتیاب ہونے والوں کی تعداد بڑھ کر 7 لاکھ 30 ہزار 734 ہوگئی ہے۔

علاوہ ازیں وزارت صحت کے اعلان کے مطابق’ پچھلے چوبیس گھنٹے کے دوران کورونا ویکسین کی مزید 44 ہزار 389 خوراکیں دی ہیں۔ اب تک ویکسین کی 2 کروڑ 4 لاکھ 9 ہزار 126 خوراکیں دی جاچکی ہیں‘۔