مکہ ،جدہ شاہراہ پر ٹریفک حادثہ ، 2 ہلاک 9 زخمی
ہلاک و زخمی ہونے والوں کی شہریت کے بارے میں معلوما ت حاصل نہ ہوسکیں (فوٹو، سبق )
جدہ ، مکہ مکرمہ ہائی وے پرٹریفک حادثے میں دو افرا دہلاک جبکہ 9 زخمی ہوگئے ـ حادثہ جدہ سے 45 کلو میٹر الشمیسی ڈیپوٹیشن سینٹر کے قریب پیش آیا ـ
سبق نیوز کے مطابق جمعہ کی صبح حادثے کی اطلاع ملتے ہی ریجنل شہری دفاع اور ہلال الاحمرکے ابتدائی طبی امداد کے یونٹ جائے حادثہ پرپہنچ گئے ـ
ریجنل ہلال الاحمر کے ترجمان عبدالعزیز بادومان نے بتایا کہ طبی ٹیموں نے انتہائی زخمیوں کو فوری طبی امداد فراہم تاکہ انہیں ہسپتال منتقل کیا جاسکے ـ
حادثے میں دوافراد موقع پر ہی ہلاک ہوگئے تھے جبکہ 9 زخمیوں میں سے دو کی حالت نازک تھی جنہیں نیشنل گارڈ ہسپتال میں منتقل کردیا گیا ـ
حادثے میں زخمی ہونے والے 7 افراد کو النور اور الزھر کے علاقے میں شاہ عبدالعزیز جنرل ہسپتال میں منتقل کردیا گیا ایک شخص جسے معمولی زخم آئے تھے اس نے ہسپتال جانے سے انکار کردیا جس پراسکا ابتدائی معائنہ کرنے کے بعد گھر بھیج دیا گیا ـ
حادثے میں ہلاک اور زخمی ہونے والوں کی شہریت کے بارے میں تاحال کسی قسم کی معلومات حاصل نہیں کی جاسکیں ـ
