مدینہ منورہ میں بارش، جدہ میں بھی امکان

مدینہ منورہ شہر میں منگل کو فجر سے گھنے بادل چھائے ہوئے ہیں جہاں موسلادھار بارش کی توقع کی جا رہی ہے۔

سبق ویب سائٹ کے مطابق مدینہ منورہ ریجن کی متعدد کمشنریوں میں تیز بارش ہوئی ہے جبکہ جدہ سمیت کئی شہروں میں بھی بارش کا امکان ہے۔

محکمہ موسمیات نے مدینہ منورہ ریجن کے رہائشیوں کے لیے انتباہ جاری کرتے ہوئے کہا ہے کہ ’پوری ریجن میں بارش کی یہ کیفیت دوپہر دو بجے تک رہے گی۔‘

محکمے نے کہا ہے کہ ’ینبع، الرایس، العیص، الفقرہ اور بدر میں بھی تیز بارش ہوگی۔‘

ادھر جدہ کے موسم کی پیشگوئی کرتے ہوئے طقس العرب ویب سائٹ نے کہا ہے کہ ’شہر میں آج موسم غیر یقینی ہو سکتا ہے۔‘

’جدہ کے مقابل بحیرہ احمر میں گھنے بادل جمع ہوگئے ہیں جن کا رخ جدہ کی طرف ہوسکتا ہے۔‘

’اس کے باعث شہر کے متعدد علاقوں میں درمیانے درجے کی بارش کا امکان ہے جبکہ بعض علاقوں میں تیز بارش بھی ہو سکتی ہے۔‘

دوسری طرف محکمہ موسمیات نے کہا ہے کہ ’مکہ مکرمہ کے متعدد علاقوں سمیت حائل، الجوف، شمالی حدود اور قصیم ریجنوں میں بھی بارش کا امکان ہے۔‘