کورونا ایس او پیز کی نئی پابندیوں کے بعد کتنی خلاف ورزیاں ہوئیں؟

سعودی عرب میں وزارت داخلہ نے کہا ہے کہ ماسک لگانے کی پابندی کے بعد مملکت بھر میں کورونا ایس او پیز کی  4159 خلاف ورزیاں ریکارڈ کی گئیں-

عاجل  ویب سائٹ کے مطابق وزارت داخلہ نے کہا ہے کہ کورونا ایس او پیز کی سب سے زیادہ خلاف ورزیاں مملکت کے پانچ علاقوں میں ریکارڈ پر آئیں- ان میں پہلا نمبر ریاض ریجن کا ہے جہاں  1404 خلاف ورزیاں ہوئیں- مدینہ منورہ ریجن 530 کے ساتھ دوسرے نمبر پر ہے-

وزارت داخلہ نے توجہ دلائی کہ  مکہ مکرمہ ریجن میں  490 خلاف ورزیاں ہوئیں اور تیسرے نمبر پر ہے- مشرقی ریجن  473 خلاف ورزیوں سے چوتھے، قصیم ریجن  238 خلاف ورزیوں سے پانچویں اور حدود شمالیہ 208 خلاف ورزیوں سے چھٹے نمبر پر ہے-

وزارت داخلہ نے سعودی شہریوں اور مقیم غیرملکیوں کو تاکید کی ہے کہ وہ کورونا وائرس سے بچاؤ کے  لیے مقرر حفاظتی تدابیر کی مکمل پابندی کریں-

یاد رہے کہ وزارت داخلہ نے بدھ کو بیان جاری کرکے  کھلے اور بند تمام مقامات پر سماجی فاصلے اور حفاظتی ماسک کی پابندی جمعرات صبح 7 بجے سے بحال کردی ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں