سعودی عرب میں 13 ہزار 771 غیر قانونی تارکین گرفتار
’7163 گرفتار شدگان اقامہ قوانین کی خلاف ورزی کر رہے تھے‘ (فوٹو: سبق)
سعودی عرب کے مختلف شہروں میں 24 فروری سے دو مارچ کے درمیان اقامہ ولیبر قوانین کی خلاف ورزی پر 13 ہزار 771 افراد گرفتار ہوئے ہیں۔
سعودی پریس ایجنسی کے مطابق غیر قانونی تارکین کی مذکورہ تعداد 24 فروری سے دو مارچ تک کے درمیان کی ہے۔
غیر قانونی تارکین کے خلاف کام کرنے والی مشترکہ کمیٹی نے کہا ہے کہ ’7163 گرفتار شدگان اقامہ قوانین کی خلاف ورزی کر رہے تھے‘۔
’سرحدی قوانین کی خلاف ورزی میں ملوث گرفتار شدگان کی تعداد 4542 ہے جبکہ 2066 افراد لیبر قوانین کی خلاف ورزیوں کے مرتکب تھے‘۔
کمیٹی نے کہا ہے کہ ’سعودی عرب کی سرحد عبور کرکے ملک میں غیر قانونی طور پر داخل ہونے کی کوشش کرنے ولے گرفتار شدگان 150 ہیں‘۔
’ان میں سے 46 فیصد یمنی، 42 فیصد ایتھوپین جبکہ 12 فیصد دیگر ملکوں کے تارکین ہیں‘۔
’اسی طرح 237 افراد کو سرحد عبور کرتے ہوئے بیرون ملک جانے کی کوشش کرتے ہوئے پکڑا گیا ہے‘۔
کمیٹی نے کہا ہے کہ ’غیر قانونی تارکین کو سہولت فراہم کرنے پر 8 افراد کو گرفتار کیا گیا ہے‘۔
گردو غبار سے بچاؤ کے لیے وزارت صحت کے چھ مشورے کیا ہیں؟Node ID: 650046
توکلنا ایپ پر ’ہوٹل قرنطینہ خلاف ورزی‘ کا پیغام کیوں آ رہا ہے؟Node ID: 650056
