پیرس میں قطر کے سفارتخانے پر حملے میں ایک سکیورٹی گارڈ ہلاک

فرانسیسی حکام کے مطابق پیرس میں قطر کے سفارتخانے میں ایک شخص کو قتل کیا گیا ہے۔

خبر رساں ایجنسی روئٹرز کے مطابق پیر کو پیرس میں پراسیکیوٹر کے دفتر نے میڈیا رپورٹس کی تصدیق کرتے ہوئے بتایا کہ قتل کے بعد تفتیش کے لیے ایک شخص کو گرفتار بھی کیا گیا ہے۔

پراسیکیوٹر کے دفتر نے کہا کہ ’میں تصدیق کر سکتا ہوں کہ آج سے قتل کی تفتیش شروع ہو گئی ہے۔‘

پراسیکیوٹر کے دفتر کے مطابق ابھی تک یہ واضح نہیں ہوا کہ آیا اس قتل میں کسی ہتھیار کا استعمال ہوا ہے کہ نہیں۔

بیان کے مطابق ’محافظ کی موت کے بارے میں ابھی کچھ نہیں کہا جا سکتا۔‘

فرانسیسی اخبار لا پیریسین نے پیر کی صبح پولیس ذرائع کا حوالہ دیتے ہوئے کہا تھا کہ قطر کے سفارتخانے میں ایک شخص کو قتل کیا گیا ہے۔