کورونا کیسز میں کمی کاسلسلہ جاری، شفایابی میں اضافہ

سعودی وزارت صحت کا کہنا ہے کہ مملکت میں کورونا کے نئے کیسز میں کمی کا سلسلہ جاری ہے۔ 

سبق ویب سائٹ کے مطابق سعودی عرب میں عید الاضحی کے پہلے روز کورونا کے 353 نئے کیسز کی تصدیق ہوئی جس کے بعد اب تک کورونا سے متاثر ہونے والوں کی مجموعی تعداد 7 لاکھ 99 ہزار  788 ہوچکی ہے۔

کورونا سے صحت یاب ہونے والوں کی تعداد میں بھی اضافہ ہوا ہے۔ گزشتہ 24 گھنٹے کے اندر 475 افراد اس وائرس سے شفایاب ہوئے جس کے بعد اب تک اس وائرس سے صحتیاب ہونےوالوں کی  کل تعداد 7 لاکھ 83 ہزار 926 تک ہو گئی ہے۔ ہفتے کے روز  کورونا سے صرف ایک ہی شخص کی موت واقع ہوئی ہے جس کے بعد کووڈ 19 وائرس سے ہونے والی ہلاکتوں کی مجموعی تعداد 9220  ہو چکی ہے۔

عید الاضحی کے پہلے دن سب سے زیادہ مریض ریاض میں ریکارڈ پر آئے جن کی  تعداد  109 رہی۔ اس کے بعد جدہ میں  55، دمام اور ہفوف میں 25، 25، مکہ میں  19، مدینہ میں 18 اور ابہا میں  14 کیسز سامنے آئے۔

صحت یاب ہونے والوں میں بھی ریاض سرفہرست رہا جہاں صحت یاب افراد کی تعداد  159 رہی۔ اس کے بعد جدہ میں74، دمام میں  41، مکہ میں 27 ، 22 ہفوف، 18 ابہا، مدینہ اور ظہران میں 14، 14 افراد صحت یاب ہوئے۔

وزارت صحت کے اعلامیے کے مطابق گزشتہ چوبیس گھنٹوں کے دوران 14 ہزار 001 نئے کورونا ٹیسٹ ہوئے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں