مملکت میں کورونا کیسز میں کمی، 376 نئے مریض

سعودی وزارت صحت کا کہنا ہے کہ  اتوار کو کورونا کے نئے کیسز میں کمی واقع ہوئی جبکہ شفایاب افراد کی تعداد اضافہ ہوا ہے۔

سبق ویب سائٹ کے مطابق وزارت صحت نے بتایا کہ  کورونا کے نئے مریض 376 ریکارڈ پر آئے ہیں جبکہ 660 شفایاب ہوئے ہیں۔ کووڈ 19 کے باعث ایک شخص کی موت واقع ہوئی ہے۔

وزارت کا کہنا ہے کہ اب تک کورونا سے 807591 افراد متاثر ہوچکے ہیں۔ اسی طرح شفایاب افراد کی کل تعداد 791438 تک پہنچ گئی ہے۔ کووڈ 19 سے اب تک 9239 اموات ہوچکی ہیں۔

وزارت صحت کا کہنا ہے کہ اس وقت کورونا کے نازک کیسز کی تعداد  142 ہے۔

اتوار کو کورونا سے سب سے زیادہ متاثرین ریاض میں رہے ان کی تعداد  120 رہی۔ اس کے بعد جدہ 74، دمام 29، مکہ مکرمہ 23، مدینہ منورہ  14، ابھا 12 اور بریدہ میں 8 نئے مریض کورونا میں مبتلا پائے گئے۔

کووڈ 19 سے شفایاب ہونے والوں میں ریاض سرفہرست رہا وہاں تعداد 208 رہی۔ اسی طرح جدہ  120، دمام 71، مدینہ منورہ  37، مکہ مکرمہ 34، الھفوف 25، ابہا 19 اور طائف میں 12 افراد صحت یاب ہوئے۔

وزارت صحت کے مطابق گزشتہ چوبیس گھنٹوں کے دوران 12258 نئے کورونا ٹیسٹ ہوئے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں