امارات میں آئی فون 14 کی ڈیمانڈ، ایپل سٹورز پر طویل قطاریں
دبئی مال میں آئی فون کے نئے ماڈل کی زیادہ ڈیمانڈ دیکھنے میں آئی(فوٹو امارات الیوم)
امریکی ٹیکنالوجی کمپنی ایپل نے آئی فون کے نئے ماڈل لانچ کیے ہیں۔ نئے فون کے چار ورژن متعارف کروائے گئے ہیں۔
متحدہ عرب امارات میں آئی فون 14، آئی فون 14 پلس، آئی فون 14 پرو اور آئی فون 14 پرومیکس کے حصول کے لیے سیکڑوں افراد جمعے کی صبح سے طویل قطار میں لگے رہے۔
الامارات الیوم کے مطابق دبئی اور ابوظبی خصوصا دبئی مال میں آئی فون کے نئے ماڈل کی زیادہ ڈیمانڈ دیکھنے میں آئی۔
صارفین کا کہنا ہے کہ’ آئی فون 14 بک کرانے اور خریدنے کے لیے انہیں مشکل ہے۔ انتظار کی زحمت اٹھانا پڑ رہی ہے‘۔
دبئی مال میں جمعے کو سب سے پہلے آئی فون 14 حاصل کرنے والا ایک انڈین عبدالرفیق ہے جو دبئی کی ایک میڈیا فرم میں آئی ٹی سپروائزر ہے۔ اس کا کہنا ہے کہ ’وہ صبح چار بجے سے لائن میں لگا تھا'۔
ایک اور ایشائی شہری اسامہ اظہر اپنے خاندان کے دس افراد کے لیے نیا ماڈل خریدنے کے لیے دبئی مال میں موجود تھے۔ ان کا کہنا ہے کہ’ میرا پورا خاندان ایپل کی مصنوعات کا دیوانہ ہے۔ میں ان سب کے لیے آئی فون 14 خرید رہا ہوں‘۔
رپورٹ کے مطابق دبئی مال کے ایپل سٹور میں سیل شروع ہونے کے 45 منٹ کے اندر آئی فون 14 کے مختلف ورژن فروخت ہوگئے۔
ایپل نے امارات میں آئی فون 14 تین ہزار 399 درھم، آئی فون 14 پلس تین ہزار 799 درھم، آئی فون 14 پرو چار ہزار 299 درھم اور آئی فون پرومیکس چار ہزار 699 درھم میں جاری کیا ہے۔
خبر رساں ایجنسی روئٹرز کے مطابقآئی فون 14 دو سائز میں متعارف کروایا گیا یعنی معمول کے آئی فون 14 اور بڑی سکرین یا ڈسپلے کے ساتھ آئی فون 14 پلس۔
نئے فون میں ایمرجنسی سیٹلائیٹ کنکٹیویٹی اور کار کریش ڈیٹیکشن ٹیکنالوجی بھی موجود ہے۔
پاکستان میں آئی فون 14 کب اور کتنے کا ملے گا؟Node ID: 699461
نیا آئی فون: ’یہ تو گردہ بیچ کر بھی نہیں ملے گا‘Node ID: 701136
