سعودی عرب میں 17 ہزار 255 غیر قانونی تارکین گرفتار
ہفتہ 29 اکتوبر 2022 15:18
’غیر قانونی تارکین کو سہولت فراہم کرنے پر 23 افراد گرفتار ہوئے ہیں‘ ( فوٹو: سبق)
سعودی عرب میں گزشتہ ہفتے 17 ہزار 255 غیر قانونی تارکین گرفتار ہوئے ہیں۔
سعودی پریس ایجنسی کے مطابق یہ گرفتاریاں 20 اکتوبر سے 26 اکتوبر 2022 کے درمیان ہوئی ہیں۔
غیر قانونی تارکین کے خلاف کام کرنے والی مشترکہ کمیٹی نے کہا ہے کہ ’کل گرفتار شدگان میں سے 9763 اقامہ قوانین کی خلاف ورزی کر رہے تھے‘۔
’4911 گرفتار شدگان سرحدی قوانین کی خلاف ورزی کے مرتکب تھے جبکہ 2581 تارکین لیبر قوانین کی خلاف ورزی میں ملوث تھے‘۔
’مذکورہ عرصے کے دوران 585 افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے‘۔
’ان میں سے 48 فیصد یمنی، 49 فیصد ایتھوپی جبکہ 3 فیصد دیگر ممالک کے تارکین تھے‘۔
’اسی طرح سرحد عبور کرکے غیر قانونی طور پر ملک سے باہر جانے کی کوشش کرتے ہوئے 157 افراد گرفتار ہوئے ہیں‘۔
کمیٹی نے کہا ہے کہ ’غیر قانونی تارکین کو سہولت فراہم کرنے پر 23 افراد گرفتار ہوئے ہیں‘۔
پرانے ہروب کیسز والے نئے ضوابط سے فائدہ اٹھا سکتے ہیں؟Node ID: 713031
