جدہ اور طائف میں متعدد یمنی گداگر گرفتار

ادارے انسداد گداگری نے جدہ اور طائف میں متعدد گداگر گرفتار کئے ہیں۔

سبق ویب سائٹ کے مطابق گرفتار شدگان یمنی تارکین ہیں جن میں سے بعض کے پاس اقامے نہیں ہیں۔

ادارے نے کہا ہے کہ ’گرفتار شدگان کو مساجد میں گداگری کرتے ہوئے رنگے ہاتھوں گرفتار کیا ہے‘۔

ادارے نے کہا ہے کہ ’تفتیش کے دوران معلوم ہوا ہے کہ مذکورہ افراد اپنی تنگدستی اور محتاجی ظاہر کرکے سادہ لوح عوام کو دھوکہ دے رہے تھے‘۔

ادارے نے شہریوں اور مقیم غیر ملکیوں کو آگاہ کیا ہے کہ پیشہ ور گداگر وں کے ساتھ ہمدردی نہ کی جائے۔

یہ حقیقت میں تنگدست اور محتاج نہیں بلکہ لوگوں کو بے وقوف بنا تے ہیں۔ صدقات اور خیرات کے  لیے مستند اداروں سے رجوع کریں۔