مملکت کے مختلف علاقوں میں منشیات کی سمگلنگ اور دھندا کرنے والے گرفتار
جمعرات 6 جولائی 2023 22:36
جدہ سے یمنی شہری گرفتار کیا گیا۔ (فوٹو سبق)
سعودی عرب کے سرحدی محافظوں نے مملکت کے مختلف علاقوں میں مختلف قسم کی نشہ آور اشیا کے دھندے اور سمگلنگ میں ملوث افراد کو گرفتار کرلیا۔
عاجل اور سبق ویب سائٹس کے مطابق جازان ریجن کے الحرث سیکٹر میں 100 کلو گرام قات (نشہ آور پتے) سمگل کرنے کی کوشش ناکام بنادی۔ سمگلروں کو گرفتار کرکے ابتدائی قانونی کارروائی کے بعد متعلقہ ادارے کے حوالے کردیا گیا۔
جدہ پولیس نے حشیش اور نشہ آور گولیوں کا دھندا کرنے والے ایک یمنی شہری کو گرفتار کرلیا۔ محکمہ امن عامہ نے ٹوئٹر پر اس کی اطلاع دیتے ہوئے بتایا کہ یمنی کو گرفتارکرکے پبلک پراسیکیوشن کے حوالے کردیا گیا۔
جازان ریجن کے العارضہ سیکٹر میں سرحدی محافظوں نے تین دراندازوں کو گرفتار کرلیا اور ان کے قبضے سے قات برآمد کرلی سمگلنگ کی کوشش کررہے تھے۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
مملکت میں منشیات سمگل کرنے کی کئی کوششیں ناکام، متعدد گرفتارNode ID: 777541
