سعودی عرب کے شاہ سلمان مرکز برائے امداد اور انسانی خدمات نے سنیچر 16دسمبر کو جدہ کی اسلامی بندرگاہ سے چوتھا امدادی جہازغزہ کے متاثرین کے لیے روانہ کیا ہے۔
خبر رساں ایجنسی ایس پی اے کے مطابق بحری جہاز پر لدے 250 بڑے کنٹینروں میں امدادی سامان موجود ہے۔
بحری جہاز پرموجود 225 کنٹینرز پرغزہ کے ہسپتالوں کےلیے طبی سامان جبکہ 25 کنٹینرز پرغذائی اشیا، شیلٹرز اور ضروریات زندگی کا سامان موجود ہے۔
امدادی بحری جہاز پورٹ سعید پہنچے گا جہاں سے امدادی سامان رفح راہداری کے ذریعے غزہ روانہ کیا جائے گا۔
سعودی عرب کی یہ امداد بحران اور مصائب میں فلسطینی عوام کے ساتھ کھڑے رہنے کے مملکت کے تاریخی فریم ورک کے تحت آتی ہے۔
یاد رہے کہ سعودی عرب کی طرف غزہ کے لیے فضائی راستے سے امدادی سامان کی ترسیل بھی جاری ہے جہاں اب تک 30 جہازابو عریش ایئرپورٹ پہنچ چکے ہیں۔
