ریاض میں معروف برانڈ کی غیر معیاری کافی بنانے والا کارخانہ سیل

سعودی وزارت تجارت کی تفتیشی ٹیموں نے ریاض کے ایک گودام میں قائم اشیائے خورونوش کے خفیہ کارخانے کو سیل کردیا۔

غیرمعیاری قہوے کے بیچوں اور مختلف اقسام کی میکرونی کو کرش کرنے کے گرائنڈرز اورمشینیں لگائی گئی تھیں۔

عاجل نیوز کے مطابق وزارت تجارت کی تفتیشی ٹیموں نے ریاض کے جوبی علاقے الشفا میں ایک گودام پر کارروائی کی گئی جو بظاہر بند تھا مگر وہاں رات کے وقت بڑے پیمانے پر جعل سازی کا کام کیا جاتا تھا۔

وزارت کی ٹیموں کو اطلاع ملی تھی کہ الشفا محلے کے ایک گودام میں غیرمعمولی کارروائیاں کی جاتی ہیں۔ موصولہ اطلاع میں کہا گیا تھا کہ بظاہر گودام بند اورغیرآباد دکھائی دیتا ہے مگر رات کے وقت وہ آباد ہوجاتا ہے اور مشینوں کے چلنے کی آوازیں آتی ہیں۔

تفتیشی ٹیموں نے گودام کی خفیہ طریقے سے نگرانی شروع کردی۔ رات کے آٹھ بجے جب علاقے کے دیگر گودام اور ورکشاپس بند ہونے لگے تو اس گودام کے کارکن خفیہ دروازے سے اندر داخل ہونا شروع ہوگئے۔

وزارت کی ٹیم گودام کی مسلسل نگرانی کرتی رہی جب وہاں کام شروع ہو گیا تو چھاپہ مارا گیا۔

ٹیم کے ذمہ دار کا کہنا تھا گودام میں نامعلوم قہوے (کافی) کے بیجوں کو گرائنڈ کرنے کے بعد انہیں معروف برانڈ کا ظاہر کرتے ہوئے مخصوص پیکٹوں میں بھرا جاتا تھا۔ کافی کے علاوہ گودام میں میکرونی اور اسپیگیٹی کے علاوہ غیرمعیاری گردی دار میوے کی بڑی مقدار برآمد ہوئے جنہیں پیک کرنے کے بعد مارکیٹ میں معروف برانڈ کا ظاہر کرتے ہوئے سپلائی کیا جاتا تھا۔

گودام میں حفظان صحت کے اصولوں کا کوئی خیال نہی رکھا گیا جہاں حشرارت الارض کی بہتات تھی جو اشیائے خورونوش کی بوریوں میں بھی موجود تھے۔

گودام کو سیل کرکے مقدمہ متعلقہ ادارے کو ارسال کردیا گیا ہے جہاں سے گودام کے مالک کو طلب کرکے مزید تحقیقات کی جائیں گی۔