گزشتہ ہفتے 21 ہزار غیر قانونی تارکین گرفتار
’کل گرفتار شدگان میں سے 13799 اقامہ قوانین کی خلاف ورزی کر رہے تھے‘ ( فوٹو: سبق)
سعودی عرب میں گزشتہ ہفتے 21 ہزار 151 غیر قانونی تارکین گرفتار ہوئے ہیں۔
سعودی پریس ایجنسی کے مطابق یہ گرفتاریاں 14 مارچ سے 20 مارچ 2024 کے درمیان ہوئی ہیں۔
غیر قانونی تارکین کے خلاف کام کرنے والی مشترکہ کمیٹی نے کہا ہے کہ ’کل گرفتار شدگان میں سے 13799 اقامہ قوانین کی خلاف ورزی کر رہے تھے‘۔
’4768 گرفتار شدگان سرحدی قوانین کی خلاف ورزی کے مرتکب تھے جبکہ 2584 تارکین لیبر قوانین کی خلاف ورزی میں ملوث تھے‘۔
’مذکورہ عرصے کے دوران 1283 افراد گرفتار ہوئے ہیں جو سرحد عبور کر کے ملک میں غیر قانونی طور پر داخل ہونے کی کوشش کر رہے تھے‘۔
’ان میں سے 25 فیصد یمنی، 72 فیصد ایتھوپی جبکہ تین فیصد دیگر ممالک کے تارکین تھے‘۔
’اسی طرح سرحد عبور کرکے غیر قانونی طور پر ملک سے باہر جانے کی کوشش کرتے ہوئے 67 افراد گرفتار ہوئے ہیں‘۔
کمیٹی نے کہا ہے کہ ’غیر قانونی تارکین کو سہولت فراہم کرنے پر 8 افراد گرفتار ہوئے ہیں‘۔
القدیہ میں ڈریگن بال تفریحی پارک بنے گاNode ID: 846216
رفح کے پناہ گزین کیمپ میں امدادی سامان کی تقسیمNode ID: 846226
