چینی وزیراعظم اور امریکی وزیر خزانہ کی ملاقات، ’ایک دوسرے کے احترام کی ضرورت‘

چین کے وزیر لی کیانگ اور امریکہ کی وزیر خزانہ جنیٹ یلین کی ملاقات کے بعد کچھ مثبت اشارے دیے گئے ہیں۔

خبر رساں ادارے اے ایف پی ے مطابق اتوار کو چین کے دارالحکومت بیجنگ میں دونوں رہنماؤں کے درمیان دوطرفہ روابط سے متعلق ملاقات ہو گی۔

اس ملاقات سے قبل امریکی وزیر خزانہ جینٹ یلین نے وزیراعظم لی کیانگ سے کہا کہ امریکہ اور چین کے تعلقات صرف کھلی بات چیت ہی کے ذریعے آگے بڑھ سکتے ہیں۔

جواب میں وزیراعظم لی کیانگ کا کہنا تھا کہ ’چین پرخلوص انداز میں توقع کرتا ہے کہ دونوں ممالک ایک دوسرے کے مخالف کی بجائے شراکت دار ہوں۔‘

 انہوں نے مزید کہا کہ چین کے انٹرنیٹ صارفین نے امریکی خزانہ کی آمد کو بہت دلچسپی  سے دیکھا اور وہ چین اور امریکہ کے درمیان تعلقات کی بہتری کے لیے پرامید ہیں۔

اس سے قبل امریکی وزیر خزانہ جینٹ یلین کی گوانگ ژو میں اپنے چینی ہم منصب سمیت دیگر حکام سے کئی ملاقاتیں ہوئی ہیں۔

دونوں ممالک نے متوازن ترقی کے لیے مذاکرات جاری رکھنے پر اتفاق کیا ہے۔

یہ امریکی وزیر خزانہ جینٹ یلین کا ایک برس کے دوران چین کا دوسرا دورہ ہے۔