’محبت اندھی ہے، حبیبی‘ کے نام سے شو میں جوڑوں کا نقطہ نظر پیش کیا جائے گا۔ فوٹو نیٹ فلکس
نیٹ فلکس کے مقبول رئیلٹی شو اور سماجی تجربے ’Love is Blind‘ کا عربی ورژن 10 اکتوبر سے شروع ہونے والا ہے جس کی میزبانی سعودی ٹی وی اداکارہ الہام علی کریں گی۔
عرب نیوز کے مطابق’الحب_أعمى_حبيبي‘ (محبت اندھی ہے، حبیبی) کے عنوان سے یہ شو منگنی اور شادی کرنے کی کوشش کرنے والے مردوں اور عورتوں کے گرد گھومتا ہے۔
عربی تھیم میں بنائے جانے والے اس شو میں ایسے جوڑوں کا نقطہ نظر پیش کیا جائے گا جو شادی سے پہلے کبھی ذاتی طور پر نہیں ملے بلکہ صرف دیوار کے پیچھے سے بات چیت کی ہے۔
اس شو کی منطق ظاہری طور پر شخصیت کو ترجیح دینا ہے کیونکہ وہ آخرکار آمنے سامنے ملنے سے پہلے بات چیت کے ذریعے رابطہ کرتے ہیں۔
سعودی ٹی وی کی معروف ایکٹریس الہام علی اپنے شوہر خالد صقر کے ساتھ اس شو کی میزبانی کریں گی۔
اداکارہ الہام علی کے شوہرخالد صقر میزبانی میں ہمراہ ہوں گے۔ فوٹو نیٹ فلکس
امریکہ میں دکھائے جانے والے شو’ Love is Blind‘ کی میزبانی کرنے والے ایمی ونر کرس کوئلن کے آئیڈیا سے یہ شو ’الحب_أعمى_حبيبي‘ عربی ورژن میں تیار کیا گیا ہے۔
