’بدتمیز طرز کا ری میک‘، عدنان صدیقی کی انڈین اداکارہ کریتی سینن پر فلمائے گئے گانے پر تقید

بالی وڈ کی معروف اداکارہ کریتی سینن کی نئی آنے والی نیٹ فلکس فلم ’دو پتی‘ کے لیے حال ہی میں گانے ’اکھیاں دے کول‘ کا نیا ورژن ریلیز کیا گیا ہے، جو پاکستانی گلوکارہ ریشما کے مشہور لوک گیت کا جدید انداز ہے۔

تاہم اس گانے کو سوشل میڈیا پر سخت تنقید کا نشانہ بنایا جا رہا ہے۔

ہندوستان ٹائمز کے مطابق پاکستانی اداکار عدنان صدیقی نے اس گانے پر تقید کرتے ہوئے اس گانے کو ایک لیجنڈری گلوکارہ کے  کلاسک گانے کا بدتمیز طرز کا ری میک قرار دیا ہے۔

سماجی رابطوں کی معروف ویب سائٹ ایکس پر ’اکھیاں دے کول‘ پر ردِعمل دیتے ہوئے لکھا کہ ’تقلید چاپلوسی ہو سکتی ہے، لیکن اس وقت نہیں جب اس کا مطلب کسی لیجنڈ کے کلاسک کو تباہ کرنا ہو۔‘

اپنے بیان میں عرفان صدیقی کا مزید کہنا تھا کہ ’براہ کرم ریشما جی اور ان کی لیگیسی کا کچھ احترام کریں۔ ان کی موسیقی اس طرز کے ساتھ پیش کیے جانے کی ہرگز مستحق نہیں ہے، اور نہ ہی کسی کو یہ حق ہے کہ ان کے گانوں کو بھونڈے طریقے سے گایا جائے۔‘

عرفان صدیقی کے اس بیان پر سوشل میڈیا پر دیگر صارفین نے بھی حمایت کا اظہار کیا ہے۔

ایک صارف نے لکھا کہ ’یہ کہنے کے لیے آپ کا شکریہ۔

واضح رہےit commands, not reduced to just another sordid ripoff. pic.twitter.com/aNBLHIjGvB کہ پاکستان کی معروف لوک گلوکارہ ریشما نے کئی مشہور زمانہ گیت گائے جن میں ’دما دم مست قلندر‘، ’ہائے او ربا نہیں لگا دل میرا‘ اور ’لمبی جدائی‘ وغیرہ شامل ہیں۔

تنقید کی زد میں آنے والا یہ گانا ’اکھیاں دے کول‘ انڈین پلے بیک سنگر شلپا راؤ نے گایا ہے۔

دوسری طرف کریتی سینن کو ایشوریہ رائے کی نقل کرنے پر تنقید کا نشانہ بنایا جا رہا ہے۔

سوشل میڈیا پر صارفین کا کہنا ہے کہ اداکارہ نے ’دھوم ٹو‘ میں ایشوریہ رائے کے ڈانس سٹیپس نقل کیے ہیں۔

کریتی سینن کی فلم ’دو پتی‘ 25 اکتوبر کو سٹریمنگ پلیٹ فارم نیٹ فلکس پر ریلیز کی جائے گی۔