مدینہ منورہ کھجور میلے میں 633 ملین ریال کا کاروبار

مدینہ منورہ میں تین ماہ تک جاری رہنے والے کھجور میلے میں مجموعی طور پر 633 ملین ریال کا کاروبار ہوا ہے۔

سبق ویب سائٹ کے مطابق میلے میں 53 ملین کلو کھجور بولی کے ذریعہ فروخت ہوئی ہے۔

واضح رہے کہ مدینہ منورہ کھجور میلے کا اختتام کل بدھ کو ہوا ہے جس میں 60 سے زیادہ کاروباری، نجی اور سرکاری اداروں نے شرکت کی ہے۔

میلے میں مدینہ منورہ کے 29 ہزار سے زیادہ باغات کی کھجوریں فروخت کے لیے پیش کی گئیں۔

میلے میں کھجور سے متعلق 13 ورکشاپش اور 10 اداروں سے تعلق رکھنے والے 16 افراد نے لیکچر دیئے ہیں۔