پاکستان نے انگلینڈ کے خلاف تین ٹیسٹ میچوں پر مشتمل سیریز کے آخری میچ میں جیت حاصل کر ہوم سیریز 1-2 سے اپنے نام کی ہے۔
پاکستان کی جانب سے ساجد خان اور نعمان علی نے شاندار کارگردگی کا مظاہرہ کیا۔
مزید پڑھیں
میچ کے تیسرے روز سنیچر کو ساجد خان نے چار اور نعمان علی نے چھ انگلش کھلاڑیوں کو پویلین روانہ کیا جس کی وجہ سے پاکستان تقریبا ساڑھے تین سالوں بعد ہوم سیریز میں فتح حاصل کرنے میں کامیاب ہوا۔
سوشل میڈیا صارفین کی جانب سے جہاں ساجد خان، نعمان علی اور پاکستان ٹیم کی شاندار کارکردگی پر ستائش کی جا رہی ہے وہیں سابق کپتان بابر اعظم سکواڈ کا حصہ نہ ہونے کے باوجود سخت تنقید کی زد میں ہیں۔
بابراعظم نے سماجی رابطوں کی ویب سائٹ ایکس پر بیان جاری کرتے ہوئے پاکستان ٹیم کو فتح پر مبارک باد دی۔
بابر اعظم نے اپنی پوسٹ میں کہا کہ ’ٹیم کی جانب سے کمال کی کوشش جو ایک عظیم واپسی میں تبدیل ہوئی، نعمان اور ساجد نے میچ کا پانسا ہی پلٹ دیا، بہت مبارک پاکستان۔‘
بابر اعظم کی اس پوسٹ پر کرکٹ فینز کی جانب سے سخت ردعمل سامنے آ رہا ہے۔
کریتی سنگھ نامی صارف نے بابر اعظم کی پوسٹ کے جواب میں لکھا کہ ’جب سے آپ کو پاکستان ٹیم سے نکالا گیا ہے پاکستان کے اچھے اور انڈیا کے بُرے دن شروع ہو گئے ہیں، جلدی سے ٹیم میں واپسی کریں تاکہ قدرت کا پیمانہ برابر ہو۔‘
Since the time you were kicked out, Pakistan good times have started & India's bad time, come back soon & restore the balance of nature pic.twitter.com/PcwjZ0AxEV
— Kriti Singh (@kritiitweets) October 26, 2024
جونز نامی صارف نے لکھا ’پاکستان کے میچ کے جیتنے کا سارا کریڈیٹ آپ کو جاتا بوبزی، آپ کے ٹیم میں رہتے ہوئے پاکستان کبھی بھی میچ نہیں جیت سکتا تھا۔‘
Full credit goes to you Bobzy. With you, Pakistan could have never won a test match let alone a series. pic.twitter.com/NLSQeKPxLB
— Johns (@JohnyBravo183) October 26, 2024
پنکج نامی صارف نے بابر اعظم کی فوٹو شیئر کرتے ہوئے لکھا ’خدا حافظ۔‘
Bye pic.twitter.com/HXeFEv2iXK
— Pankaj (@Pankaj41627) October 26, 2024
گلزار نائیک نامی صارف نے لکھا ’جب تک آپ ٹیم سے باہر ہیں فتوحات کا سلسلہ جاری رہے گا۔‘
Untill u remain out from Pak team, they vl keep winning #zimbaber
— Gulzar Nayik (@naikgulzar) October 26, 2024
سعد انصاری نامی صارف نے لکھا ’مجھے کامل یقین ہے اگر آپ ٹیم کا حصہ ہوتے تو انگلینڈ یقینی طور پر پاکستان کو شکست دیتا۔‘
I am damn sure if you Play in the Last 2 Test's England Swipes Pakistan Easily 3-0... But Amazing bowling by Sajid and Noman they both single handedly gifted your team the series...
— Saad Ansari (@SaadAnsari55532) October 26, 2024
کئی سوشل میڈیا صارفین نے اس موقع پر بابر اعظم کے ساتھ یکجہتی کا بھی اظہار کیا۔
ندیم نامی صارف نے لکھا ’ہم نے آپ کو بہت مس کیا سکیپر۔‘
We missed you skipper pic.twitter.com/YcxkkBBQQr
— (@Nadu805) October 26, 2024
مومنہ عباسی نامی صارف نے لکھا ’ہم نے آپ کو بہت مس کیا ہے سکیپر، آپ کے جلد واپس لوٹنے کی امید ہے، آپ کے مداح آپ کے انتظار میں ہیں۔‘
Congratulations pak team we miss you kaptana in this special moment @babarazam258 come back stronger your fans are waiting your stronger comeback
— Momna Abbasi (@MomnaAbbasi14) October 26, 2024
حسنین نامی صارف نے بابر اعظم کو مشورہ دیتے ہوئے لکھا ’آپ تھوڑی ٹریننگ کر لیں، آسٹریلیا کی سیریز آرہی ہے۔‘
ab ap thora training kr lain Australia series is coming up
— Hsnain(@Hsnain901) October 26, 2024
