گھنے بادلوں کا رخ جدہ اور مکہ کی طرف، ریڈ الرٹ جاری

موسم کے عرب ادارے طقس العرب نے کہا ہے کہ بحیرہ احمر میں گھنے بادلوں کا رخ مکہ مکرمہ اور جدہ کی طرف ہے۔

طقس العرب کے مطابق بحیرہ احمر سے گھنے بادل  مکہ مکرمہ ریجن کے جنوبی ساحل میں آئندہ چند گھنٹوں میں داخل ہوجائیں گے۔

ماہرین نے کہا ہے کہ ’مکہ مکرمہ، جدہ، اللیث اور القنفذہ میں کہیں تیز اور کہیں گرج چمک کے ساتھ موسلادھار بارش کا قوی امکان ہے‘۔

دوسری طرف سعودی محکمہ موسمیات نے مکہ مکرمہ ریجن کے لیے ریڈ الرٹ جاری کردیا ہے۔

محکمے نے کہا ہے کہ ’موسلادھار بارش کے باعث سیلابی ریلوں کا بھی امکان ہے‘۔

’اس کیفیت سے مکہ مکرمہ شہر کے علاوہ جدہ، شعیبہ، جموم اوربحرہ سب سے زیادہ متاثر ہوں گے جہاں رات 11 بجے تک موسم غیر یقینی رہے گا‘۔