مکہ مکرمہ، الباحہ اور عسیر میں گرج چمک کے ساتھ بارش کا امکان
’طائف، الخرمہ، المویہ، رنیہ، القنفذہ، اضم اور میسان میں رات 10 بجے تک بارش ہوگی‘ ( فوٹو: سبق)
محکمہ موسمیات نے کہا ہے کہ آج بدھ کو مکہ مکرمہ ، الباحہ اور عسیر میں گرج چمک کے ساتھ بارش کا امکان ہے۔
سبق ویب سائٹ کے مطابق محکمے نے کہا ہے کہ ’جازان کے بعض علاقوں میں بھی بارش ہوگی جبکہ مذکورہ علاقوں میں دھند چھائی رہے گی‘۔
مکہ مکرمہ ریجن کے حوالے سے محکمے نے بتایا ہے کہ ’طائف، الخرمہ، المویہ، رنیہ، القنفذہ، اضم اور میسان کے علاوہ قرب وجوار کے شہروں میں رات 10 بجے تک کہیں ہلکی اور کہیں درمیانے درجے کی بارش ہوگی‘۔
’یہی کیفیت عسیر اور الباحہ ریجنوں کے مختلف شہروں میں ہوگی جہاں کے بالائی علاقوں میں دھند بھی رہے گی‘۔
محکمے نے کہا ہے کہ ’الجوف اور شمالی حدود ریجن میں آج مطلع غبار آلود رہے گا جس کی وجہ سے حد نگاہ متاثر ہوگی‘۔
سعودی تاجر کی کہانی جو 70 برس سے کاروبار کر رہے ہیںNode ID: 883455
مصر میں سمندر کی تہہ سے نوادرات نکالنے والے چور کیسے پکڑے گئے؟Node ID: 883456
