ریاض میں ’تخلیقی محلے‘ کے قیام کا اعلان
جمعرات 13 فروری 2025 21:07
رائل کمیشن ریاض کے سی ای او نے سعودی قیادت کا شکریہ ادا کیا۔ (فوٹو اخبار چوبیس)
رائل کمیشن برائے ریاض کے بورڈ آف ڈائریکٹرز نے ’ریاض تخلیقی محلے‘ کے آغاز کا اعلان کیا۔ اس اقدام کا مقصد دارالحکومت ریاض کو تخلیقی میدان میں نمایاں اور عالمی سطح پر میڈیا کے مرکز کے طور پر پیش کرنا ہے۔
اخبار 24 کے مطابق رائل کمیشن برائے ریاض کے سی ای او انجینئر ابراہیم السلطان نے کمیشن کے منصوبوں کی حمایت پر خادم حرمین شریفین شاہ سلمان بن عبدالعزیز آل سعود اور ولی عہد و وزیر اعظم شہزادہ محمد بن سلمان بن عبدالعزیز کا شکریہ ادا کیا۔
سی ای او نے اس حوالے سے مزید کہا تخلیقی محلے کو دارالحکومت کی ثقافت، تخیلیقی صلاحیت کو ابھارنے اور اقتصادی امور کو مزید وسعت دینے کے لیے ڈیزائن کیا گیا ہے جس کے ذریعے مواد کی تخلیق اور اختراع کو تقویت دینے کے لیے انتہائی اہم ثابت ہوگا۔
ان کا مزید کہنا تھا کہ یہ اقدام نہ صرف تخلیقی صنعت کو فروغ دینے کے لیے مثالی مقام ہوگا بلکہ عالمی سطح پر ہنرمندوں کے لیے مملکت میں تخلیقی معیشت سے جڑنے کے لیے ایک گیٹ ویے کا بھی کام کرے گا۔
ریاض کے تاریخی مقامات، جہاں سیاح کِھنچے چلے آتے ہیںNode ID: 561371
