امریکہ کے نمائندہ خصوصی برائے مشرق وسطیٰ سٹیو وٹکوف نے کہا ہے کہ حماس اور اسرائیل کے درمیان غزہ جنگ بندی کے دوسرے مرحلے کے لیے مذکرات اس ہفتے جاری رہیں گے۔
خبر رساں ادارے روئٹرز کے مطابق سٹیو وٹکوف نے کہا کہ ابھی تک یہ طے ہونا باقی ہے کہ یہ مذاکرات کہاں ہوں گے۔
سٹیو وٹکوف نے اتوار کو فاکس نیوز کو بتایا کہ ان کی اسرائیلی وزیراعظم نیتن یاہو، قطر کے وزیراعظم شیخ محد بن عبدالرحمان الثانی اور مصر کے انٹیلی جنس کے ڈائریکٹر جنرل سے تعمیری باتیں ہوئی ہیں۔
سٹیو وٹکوف نے کہا کہ ان کی فیز ٹو کے مذاکرات کی ترتیب اور دونوں اطراف کے موقف کو سامنے لانے کے حوالے سے بات ہوئی تاکہ ہمیں معلوم ہوسکے کہ ہم کہاں کھڑے ہیں۔
’اور اس ہفتے مذاکرات شروع کرنے کے حوالے سے بھی بات ہوئی تاکہ ہم معلوم کر سکیں کہ کس طرح فیز ٹو کو کامیابی سے مکمل کیا جاسکے گا۔‘
