رمضان اور عید کی آمد، آن لائن شاپنگ کرنے والے جلد آرڈر بک کرا لیں

سعودی وزارت تجارت اور ٹرانسپورٹ جنرل اتھارٹی نے آن لائن خریداری کرنے والوں کو کہا ہے کہ رمضان المبارک اور عید الفطر کے لیے آرڈرز جلد بک کرا لیں تاکہ وقت مقررہ پر پہنچ سکیں۔

سبق نیوز کے مطابق رمضان المبارک اور عید الفطر کے موقع پر آن لائن خریداری کرنے والوں کی بڑی تعداد کی وجہ سے ڈیلیوری میں تاخیر ہونے کا امکان ہوتا ہے۔

تاخیر سے بچنے کےلیے صارفین کو چاہئے کہ وہ اپنے آرڈرز پہلے ہی بک کرلیں۔

عام طورپر یہ دیکھا گیا ہے کہ رمضان اورعید الفطر کی خریداری کے لیے آن لائن خریداری کے رجحان میں غیرمعمولی اضافہ ہوجاتا ہے۔ لوگوں کو سامان موصول ہونے میں تاخیر کا سامنا کرنا پڑتا ہے۔ ڈیلیوری سروسز کو زیادہ آرڈر ملنے کی وجہ سے صارفین کے پاس زیادہ چوائسز بھی نہیں ہوتیں اس لیے جلد اپنے آرڈرز بک کرنے والوں کو وقت پر سامان موصول ہوجاتا ہے۔

واضح رہے وزات تجارت اور ٹرانسپورٹ اتھارٹی نے آن لائن خریداری  کرنے والوں کے حقوق کے تحفظ کے لیے پالیسی وضع کی ہے، جس کے مطابق خریدا ہوا سامان واپس یا تبدیل کرنے کا اختیار ہوتا ہے تاہم اس کے لیے شرائط مقرر ہیں جن پرصارفین عمل کرنے کے پابند ہیں۔

وزارت نے صارفین کے حقوق کے تحفظ کے لیے ٹول فری نمبر 19929 اور ایکس اکاؤنٹ پر بھی خصوصی سیل قائم کیا ہے۔