بہاولپور...جنوبی پنجاب میں اتوار کو بہاولپور کے قریب آئل ٹینکرالٹ گیا۔ پٹرول میں آگ لگ گئی۔ مرنےو الے150 ہو گئے ۔درجنوں زخمیوں کی حالت نازک ہے۔ ہلاک شدگان کی تعداد میں اضافے کا خدشہ ہے ۔ اسپتال ذرائع نے بتایاکہ ہلاک ہونے والوں میں 30 خواتین اور 15 بچے شامل ہیں۔ کئی گا ڑیاںاور ایک درجن موٹر سا ئیکلیںجل کر تباہ ہو گئیں ۔ فوج کے ہیلی کاپٹرجھلسے ہوئے افراد کو اسپتال اور بَرن سینٹرز پہنچانے میں مصروف ہیں۔ریسکیو ذرائع نے بتایاکہ واقعہ احمد پور شرقیہ میں قومی شاہراہ پر پکا پل کے قریب پیش آیا ۔ تیز رفتار آئل ٹینکر الٹ گیا جس سے آئل بہنے لگا۔ پٹرول کو جمع کرنے کے لئے لوگ جائے وقوعہ پر پہنچے تھے کہ آگ لگنے سے ٹینکر دھماکے سے پھٹ گیا۔جس سے ہر طرف تباہی پھیلی ،لوگ زندہ جل گئے ۔
