سعودیوں کے قبضے سے 1300نشہ آور گولیاں برآمد

مکہ مکرمہ ۔۔۔ مکہ مکرمہ روڈ سیکیورٹی فورس نے 2سعودی شہریوں کے قبضے سے 1300سے زیادہ نشہ آور گولیاں برآمد کرلیں۔ مکہ مکرمہ اور اللیث میں انسداد منشیات کے اہلکار ان دونوں سے نشہ آور گولیوں کی بابت تفصیلات دریافت کررہے ہیں۔ پتہ چلا ہے کہ مکہ روڈ سیکیورٹی فورس کے ماتحت الساحل روڈ پر ایک گشتی دستے کوکار سوار مقامی شہری پر شبہ ہوگیا تھا۔ گاڑی کی تلاشی لی گئی جس سے ایک تھیلی برآمد ہوئی جس میں 400سے زیادہ نشہ آور گولیںرکھی ہوئی تھیں۔ سعودی شہری کو گرفتارکرکے اللیث انسداد منشیات ادارے کی تحویل میں دیدیا گیا۔ دوسری جانب الکر سیکیورٹی فورس کے دستے نے ایک سعودی شہری کی گاڑی کی تلاشی لی ۔ اس پر شبہ ہوگیا تھا۔ گاڑی کی تلاشی پر ایک تھیلی نظر آئی جس میں 900سے زیادہ نشہ آور گولیاں رکھی ہوئی تھیں۔ گرفتار کرکے مقامی شہری کو مکہ مکرمہ انسداد منشیات ادارے کے حوالے کردیا گیا۔