دبئی میں ڈرائیونگ سکول کھولنے کی اجازت

دبئی ٹرانسپورٹ اینڈ روڈز اتھارٹی نے ڈرائیونگ سکول بحال کر دیے- سکولوں کو حفاظتی قواعد و ضوابط کی سختی کے ساتھ پابندی کا حکم دے دیا-

الامارات الیوم کے مطابق دبئی اتھارٹی نے ڈرائیونگ سکھانے والے سکول  30 اپریل کو بحال کرتے ہوئے تنبیہ کی ہے کہ حفاظتی اقدامات کی پابندی نہ کرنے کی صورت میں سخت کارروائی ہوگی- دبئی حکام نے 22 مارچ کو ڈرائیونگ سکول بند کردیے تھے-

دبئی ٹرانسپورٹ اینڈ روڈز اتھارٹی نے خبردار کیا ہے کہ اس کے  انسپکٹرز وقتا فوقتا سکولوں پر چھاپے مار کر یہ پتہ لگائیں گے کہ صحت و سلامتی کے ضوابط کی پابندی کس حد تک کی جا رہی ہے-

حفاظتی اقدامات کی خلاف ورزی ریکارڈ پر آئی تو ڈرائیونگ سکول فورا بند کر دیا جائے گا-

اتھارٹی نے ڈرائیونگ سکولوں کے لیے مندرجہ ذیل شرائط جاری کی ہیں-

سکول میں آنے جانے کے دروازے الگ ہوں، سکول میں جتنے افراد کی گنجائش ہو اس کے 30 فیصد ہی سکول میں رہیں اس سے زیادہ نہیں-

درجہ حرارت فاصلے سے چیک کرنے والے آلات مہیا کیے جائیں-

سکول میں مختلف مقامات پر سینیٹائزر رکھے جائیں-

صفائی ٹیم سینیٹائزنگ کی پابندی کرے کرسی دفاتر کے دروازوں کے ہینڈل اور مختلف آلات کو سینیٹائز کرتی رہے-

ٹریننگ میں زیر استعمال گاڑیوں کی مستقل بنیادوں پر صفائی اور سینیٹائزنگ کی پابندی کی جائے-

سکول کے تمام دروازوں، ان کے ہینڈلز اور تمام وسائل کی صفائی اورسینیٹائزنگ کا نظام الاوقات مقرر کیا جائے اور پابندی سے یہ کام انجام دیا جائے-

• واٹس ایپ پر خبروں کے لیے ”اردو نیوز“ گروپ جوائن کریں