الشرق الاوسط کے مطابق کویت نے کورونا وائرس کی وبا کی وجہ سے 13 مارچ سے کویت انٹرنیشنل ایئرپورٹ کے لیے اور اس سے پروازوں کی آمد ورفت معطل کردی تھی۔
کویتی حکام کے حوالے سے بتایا گیا ہے کہ پروازوں کی بحالی تین مراحل میں ہوگی۔ پہلا مرحلہ 6 ماہ پر مشتمل ہوگا۔ شروعات یکم اگست سے ہوگی۔ اس دوران ایئرپورٹ زیادہ سے زیادہ 30 فیصد سے آپریشنل ہوگا۔
ایئرپورٹ سے روزانہ زیادہ سے زیادہ دس ہزار افراد سفر کرسکیں گے۔ پروازوں کی یومیہ تعداد زیادہ سے زیادہ سو ہوگی۔
دوسرا مرحلہ بھی چھ ماہ پر مشتمل ہوگا۔ اس کی شروعات یکم فروری2021 سے ہوگی۔
پروازوں کی بحالی کا تیسرا مرحلہ یکم اگست2021 کو شروع ہوگا۔(فوٹو اے ایف پی)
اس دوران ایئرپورٹ زیادہ سے زیادہ 60 فیصد تک موثر ہوگا۔ ہر روز 20 ہزارافراد سفر کرسکیں گے جبکہ یومیہ دو سو پروازوں کی اجازت ہوگی۔
تیسرا مرحلہ یکم اگست 2021 کو شروع ہوگا۔ اس تاریخ سے کویت انٹرنیشنل ایئرپورٹ مکمل آپریشن کی پوزیشن میں ہوگا۔ ہر روز تیس ہزار سے زیادہ افراد سفر کرسکیں گے جبکہ پروازوں کی انتہائی تعداد یومیہ 300 تک ہوجائے گی۔
