گھروں کے سامنے کھڑی گاڑیوں کے ٹائر چوری کرنے والا گروہ گرفتار

ریاض پولیس کے معاون ترجمان خالد الکریدیس نے کہا ہے کہ دارالحکومت میں گھروں کے سامنے پارک گاڑیوں کے ٹائر چوری کرنے والا 6 رکنی گروہ گرفتار کرلیا گیا-

سعودی خبررساں ادارے ایس پی اے کے مطابق گروہ دو فلسطینیوں، دو شامیوں اور ایک یمنی شہری پر مشتمل تھا- یہ عمر کے  دوسرے اور تیسرے عشرے میں ہیں-

الکریدیس نے بتایا کہ گروہ میں ایک سعودی شہری بھی شامل ہے- چار غیرملکی اقامہ قانون کی خلاف ورزی میں بھی ملوث پائے گئے-

الکریدیس نے توجہ  دلائی کہ گاڑیوں کے ٹائر چوری کرنے والا یہ گروہ پیشہ ورانہ انداز میں کام کررہا تھا- واردات سے قبل سی سی کیمرے بند کردیتا تھا- ان کے قبضے سے 400 سے زیادہ ٹائر برآمد ہوئے-

مسروقہ ٹائر ریاض کے مرکزی محلے الغرابی کے ایک گودام میں محفوظ کردیے جاتے تھے- گروہ کا ایک ممبر اس کا انچارج تھا-  مسروقہ ٹائر کی مجموعی قیمت 3 لاکھ ریال تھی- تمام افراد کو گرفتار کرکے پبلک پراسیکیوشن کی تحویل میں دے دیا گیا-

خود کو اپ ڈیٹ رکھیں، واٹس ایپ گروپ جوائن کریں