مدینہ منورہ سمیت نو علاقوں میں جمعرات کو بارش کا امکان

سعودی عرب میں موسمیات کے قومی مرکز نے  کہا ہے کہ جمعرات اور جمعے کو سعودی عرب کے نو علاقوں میں تیز ہواؤں اور گرج چمک کے ساتھ بارش کا امکان ہے۔ 

اخبار  24 کے مطابق قومی مرکز نے بیان میں کہا کہ مدینہ منورہ، حائل، الجوف، حدود شمالیہ اور تبوک ریجنوں میں مطلع ابر آلود رہے گا اور پھر گرج چمک کے ساتھ بارش متوقع ہے۔

موسمیات کے قومی مرکز کا کہنا ہے کہ عسیر، جازان، باحہ اور مکہ مکرمہ کے بالائی علاقے بھی تیز ہواوں اور گرج چمک کے ساتھ بارش کی زد میں رہیں گے۔

 موسمیات کے قومی مرکز کا کہنا ہے کہ جمعرات کو سعودی عرب میں سب سے زیادہ درجہ حرارت 45 سینٹی  گریڈ مکہ مکرمہ اور الاحسا میں ہوگا جبکہ سب سے کم درجہ حرارت 12 سینٹی  گریڈ السودۃ میں رہے گا۔