مملکت میں سونے کے نرخوں میں اضافہ

سعودی گولڈ  مارکیٹ میں جمعرات کو سونے کے نرخوں میں معمولی سا اضافہ ہوا ہے حالانکہ انٹرنیشنل گولڈ مارکیٹ میں سونے کے نرخ بڑھنے کے بجائے کم ہوگئے۔

عاجل ویب سائٹ کے مطابق سعودی عرب میں جمعرات کو 24 قیراط ایک گرام سونا 225.46 ریال تک پہنچ گیا جبکہ سب سے زیادہ لین دین والے 21 قیراط ایک گرام سونے کی قیمت 197.28 ریال ریکارڈ کی گئی ہے۔

سعودی عرب میں 18 قیراط سونا 169.09 ریال میں فروخت ہوتا رہا- جبکہ 14 قیراط ایک گرام سونا  131.52 ریال میں دستیاب رہا۔

مملکت میں ایک اونس سونے کی قیمت 7016 ریال رہی۔ اسی طرح 21 قیراط کے 8 گرام سونے کا بسکٹ 1578.20 ریال میں دستیاب رہا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں