ای ایجوکیشن، سعودی عرب دنیا کے چار مثالی ملکوں میں شامل

سعودی وزیر تعلیم ڈاکٹر حمد آل الشیخ نے کہا ہے کہ’ یونیسکو نے سعودی عرب کو ای ایجوکیشن میں دنیا کے چار مثالی ملکوں کی فہرست میں شامل کیا ہے‘۔

عاجل ویب سائٹ کے مطابق وزیرتعلیم ای ایجوکیشن نیشنل سینٹر کونسل کے ساتویں اجلاس کی صدارت کر رہے تھے۔

یونیسکو نے جن چار ممالک کو ای ایجوکیشن میں دنیا کا مثالی ملک قرار دیا ہے ان میں جنوبی کوریا، سعودی عرب، چین اور فن لینڈ ہیں۔ 

سعودی وزیر تعلیم نے یہ بھی کہا کہ’ سعودی عرب کو ای ایجوکیشن میں دنیا کے بیشتر ملکوں پر برتری حاصل ہے‘۔ 

وزیر تعلیم نے ای ایجوکیشن کے حوالے سے مملکت میں ریکارڈ پر آنے والی کامیابیوں کا تذکرہ کرتے ہوئے کہا کہ’ یہ سب کچھ اس لیے ممکن ہوسکا کیونکہ ای ایجوکیشن کے شعبے کو قیادت سے لامحدود تعاون ملا ہے‘۔ 

انہوں نے مزید کہا کہ ’ای ایجوکیشن اب تعلیمی شعبے کا ایک حصہ بن گئی ہے۔ 

ای ایجوکیشن آرگنائزیشن او ایل سی نے سعودی عرب میں کورونا وبا کے دوران مملکت میں ای ایجوکیشن کے حوالے سے کیے جانے والے اقدامات کا ریکارڈ تیار کیا ہے۔ انٹرنیشنل تعلیمی تنظیموں کی شراکت سے رپورٹ شائع کی جائے گی۔