واٹس ایپ صوتی پیغامات میں تبدیلی برقرار کیوں نہیں رکھ سکا؟

مقبول میسجنگ ایپلی کیشن واٹس ایپ نے اعلان کیا ہے کہ صوتی پیغامات میں ترمیم پر ہزاروں صارفین کی جانب سے عدم اطمینان کے اظہار کے بعد ترمیم کو واپس لیا جا رہا ہے۔

صارفین کا کہنا تھا کہ نئی ترمیم، جس میں صوتی پیغامات کو آواز کی لہروں کی شکل کے بجائے عام لائن میں تبدیل کرنا شامل ہے، نے پیغامات کو منتقل کرنا مشکل بنا دیا تھا، اور اس ترمیم شدہ انٹرفیس کا رنگ دیکھنا اوراسے تاریک موڈ میں پڑھنا مشکل تھا۔

واٹس ایپ صوتی  میسج میں تبدیلی کرنے سے پیچھے ہٹ گیا

ہزاروں صارفین کے میسجز اور اس ترمیم پر تنقید کے بعد واٹس ایپ نے اس فیصلے کو کالعدم کیا اوراپنے فیصلے میں واٹس ایپ نے اپنے صارفین کو مطمئن کرنے کے لیے مزید اصلاحاتی اقدامات کا وعدہ کیا۔

واٹس ایپ نے اس سے قبل بیٹا ورژن 2.21 13.17 کے طور پر اینڈرائیڈ فون پر صوتی پیغام کی ظاہری شکل میں ترمیم کرنے کی صلاحیت متعارف کرائی تھی۔

واٹس ایپ ڈویلپرز نے بتایا کہ ’ہم صارفین کو مطمئن کرنے کے لیے اس فیچر میں ضروری اصلاح کرنے کے بعد دوبارہ شروع کریں گے۔‘

واٹس ایپ ایک نیا فیچر متعارف کرانے کی تیاری کر رہا ہے جس کے ذریعے پیغامات بھیجنے والے کو ان تصاویر اور ویڈیوز کی اجازت دیتا ہے جو وصول کنندہ کو صرف انسٹاگرام کی طرح ایک ہی بار دیکھ سکتے ہیں۔

یہ خصوصیت صارف کو یہ چیک کرنے کی بھی اجازت دے گی کہ پیغام کے وصول کنندہ نے تصویر دیکھی ہے یا نہیں، اور توقع ہے کہ وہ اسے اینڈرائیڈ اور آئی او ایس والے فون پر بھی متعارف  کروائے گا۔