امارات میں کورونا کے ایک ہزار 518 نئے کیسز کی تصدیق
اتوار 11 جولائی 2021 20:04
متاثرین کی تعداد بڑھ کر 6 لاکھ 50 ہزار 220 ہوگئی ہے (فائل فوٹو: وام)
متحدہ عرب امارات میں اتوار گیارہ جولائی کو کورونا کے ایک ہزار 518 نئے کیسز کی تصدیق ہوئی ہے۔
نئے مریض مختلف قومیت سے ہیں، ان سب کی حالت مستحکم ہے اور انہیں ضروری علاج فراہم کیا جارہا ہے۔ ملک میں متاثرین کی تعداد بڑھ کر 6 لاکھ 50 ہزار 220 ہوگئی ہے۔
سرکاری خبر رساں ادارے ’وام‘ نے وزارت صحت کے حوالے سے بتایا کہ’ پچھلے چوبیس گھنٹوں کے دوران جدید تشخیصی آلات کی مدد سے کورونا کے مزید 2 لاکھ 80 ہزار 747 ٹیسٹ کیے گئے ہیں‘۔
بیان میں کہا گیا کہ’ پچھلے چوبیس گھنٹوں کے دوران زیرعلاج مریضوں میں سے مزید 6 مریض چل بسے، مرنے والوں کی تعداد ایک ہزار 866 ہوگئی‘۔
وزارت کے مطابق’ متاثرہ مریضوں میں سے مزید ایک ہزار 490 مکمل صحت یاب ہوگئے۔ صحت یاب ہونے والوں کی تعداد بڑھ کر 6 لاکھ 28 ہزار 290 ہوگئی ہے‘۔
وزارت نے عوام کو احتیاطی تدابیر اور سماجی فاصلے کی پابندی جاری رکھنے کی پھر تلقین کی ہے۔
علاوہ ازیں وزارت صحت کے اعلان کے مطابق ’ پچھلے چوبیس گھنٹوں میں کورونا ویکسین کی مزید 18 ہزار 407 خوراکیں دی گئی ہیں‘۔
امارات میں اب تک ویکسین کی ایک کروڑ کروڑ 59 لاکھ 34 ہزار 124 خوراکیں دی جاچکی ہیں۔
امارات دنیا میں سب سے زیادہ کورونا ویکسین لگانے والا ملکNode ID: 580241
