چوبیس گھنٹوں میں کورونا ویکسین کی 3 لاکھ سے زیادہ خوراکیں
جمعرات 22 جولائی 2021 23:37
وزارت صحت نے عید تعطیلات میں ویکسین کا خصوصی انتظام کیا ہے- (فوٹو ایس پی اے)
وزارت صحت نے کہا ہے کہ مملکت میں کورونا ویکسین کی اب تک 2 کروڑ 35 لاکھ 96 ہزار 995 خوراکیں دی جاچکی ہیں جبکہ18.4 ملین پہلی خوراک اور 5.1 ملین ویکسین کی دوسری خوراک دے دی گئی ہے-
اخبار 24 کے مطابق وزارت صحت نے بتایا کہ بزرگوں کو اب تک 1.42 ملین خوراکیں دی جاچکی ہیں-
وزارت صحت کا کہنا ہے کہ گزشتہ چوبیس گھنٹوں کے دوران 3 لاکھ 26 ہزار 700 کورونا ویکسین کی نئی خوراکیں سعودی شہریوں اور مقیم غیرملکیوں کو دی جاچکی ہیں-
واضح رہے کہ عید الاضحی کی تعطیلات کے دوران وزارت صحت نے کورونا ویکسین سینٹرز میں خصوصی انتظامات کیے ہیں-
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
کورونا ویکسین کی 23.2 ملین خوراکیں دے دی گئیںNode ID: 584746
