سعودی وزارت صحت نے کہا ہے کہ گزشتہ چوبیس گھنٹوں کے دوران سعودی شہریوں اور مقیم غیرملکیوں کو مملکت بھر میں کورونا ویکسین کی چار لاکھ 17 ہزار خوراکیں دی گئی ہیں۔
اخبار 24 کے مطابق اب تک کورونا ویکسین کی دو کروڑ 84 لاکھ 92 ہزار 380 خوراکیں دی جاچکی ہیں۔
وزارت صحت نے کہا کہ مملکت بھر میں دونوں خوراکیں لینے والوں کی تعداد 90 لاکھ تک پہنچ چکی ہے جبکہ 1.49 ملین معمرافراد ویکسین لے چکے ہیں۔
یاد رہے کہ وزارت صحت نے کورونا ویکسین کے پہلے مرحلے کا آغاز 17 دسمبر 2020 کو کیا تھا جبکہ دوسرے مرحلے کا آغاز 18 فروری 2021 کو کیا گیا ہے۔
